*08 लाख रुपयांचा प्रतिबंधित गुटखा, सुगंधित तंबाखू वाहनासह जप्त. 01 व्यक्ती विरुद्ध गुन्हा दाखल. स्थानिक गुन्हे शाखेची अवैध धंद्यावर कारवाई.*

लातूर/अंबादास करकरे 

पोलीस अधीक्षक अमोल तांबे,अपर पोलीस अधीक्षक मंगेश चव्हाण यांचे मार्गदर्शनात अवैध धंद्यावर कठोर कारवाई साठी मोहीम जिल्ह्यामध्ये राबविण्यात येत आहे. त्या अनुषंगाने अवैध धंद्यावर कारवाई करीत असताना दिनांक 31ऑक्टोबर  ते 01 सप्टेंबर दरम्यान मध्यरात्री स्थानिक गुन्हे शाखेच्या पथकाला माहिती मिळाली की, एक इसम महाराष्ट्र शासनाने प्रतिबंधित केलेले अन्नपदार्थ गुटखा व तंबाखूजन्य पदार्थाची अवैध विक्री व्यवसाय, साठवणूक व वाहतूक करीत आहेत.

                सदर माहितीवरून स्थानिक गुन्हे शाखेचे पोलीस निरीक्षक सुधाकर बावकर यांचे मार्गदर्शनात स्थानिक गुन्हे शाखेच्या  पथकाने पोलीस ठाणे विवेकानंद चौक हद्दीत सापळा लावून महाराष्ट्र शासनाने महाराष्ट्र राज्यामध्ये विक्रीसाठी प्रतिबंधित केलेला गुटखा व सुगंधित तंबाखूची अवैध विक्री व्यवसाय,साठवणूक व वाहतूक करणाऱ्यावर प्रतिबंधित गुटखासह ताब्यात घेत गुन्हा दाखल करण्यात आला असून गुन्ह्यात 01 लाख 335 रुपयांच्या प्रतिबंधित गुटखा व सुगंधित तंबाखूचा मुद्देमाल जप्त केला आहे. तसेच गुन्ह्यामध्ये वापरलेली 07 लाख  रुपयाची मारुती सुझुकी कंपनीची सियाज कार असा एकूण 08 लाख 335 रुपयाचा मुद्देमाल जप्त करण्यात आला आहे. प्रतिबंधित गुटख्याची अवैधरित्या विक्री, वाहतूक, साठवणूक करताना मिळून आलेला राधेश्याम शत्रुघन जाजू, वय 47 वर्ष, राहणार मिलेनियम अपार्टमेंट, रामनगर, जुना औसा रोड, लातूर. याचे विरुद्ध पोलीस विवेकानंद चौक येथे गुन्हा दाखल करण्यात आला असून गुन्ह्याचा पुढील तपास पोलीस करीत आहेत.

               सदरची कारवाई पोलीस अधीक्षक अमोल तांबे,अपर पोलीस अधीक्षक मंगेश चव्हाण यांचे मार्गदर्शनात, स्थानिक गुन्हे शाखेचे पोलीस निरीक्षक सुधाकर बावकर यांच्या नेतृत्वातील पथकातील पोलीस उपनिरीक्षक प्रमोद देशमुख, पोलीस अंमलदार मनोज खोसे, चंद्रकांत डांगे,अर्जुन रजपूत, विनोद चलवाड, राजेश कंचे, यांनी केली आहे.