अंबादास करकरे
लातूर जिल्ह्यातील विविध ठिकाणी गेल्या तीन महिन्यांपासून ज्वेलरी दुकाने, बँका तसेच घरांमध्ये चोरी करणाऱ्या सराईत टोळीचा पर्दाफाश करण्यात स्थानिक गुन्हे शाखेला मोठे यश मिळाले आहे. या कारवाईत एक आरोपीला ताब्यात घेऊन ₹24,17,900/- किमतीचा 13 किलो 700 ग्रॅम चांदी व सोन्याचा मुद्देमाल जप्त करण्यात आला आहे. टोळीतील इतर चार आरोपी फरार असून त्यांचा शोध वेगाने सुरू आहे.
पोलीस अधीक्षक श्री. अमोल तांबे यांच्या निर्देशानुसार व अपर पोलीस अधीक्षक श्री. मंगेश चव्हाण यांच्या मार्गदर्शनाखाली, पोलीस निरीक्षक श्री. सुधाकर बावकर यांच्या नेतृत्वातील पथकाने 30/11/2025 रोजी गोपनीय माहितीच्या आधारे नवीन रेणापुर नाका परिसरात सापळा रचला. दुपारी 14:00 वाजता रोडवर संशयास्पदरीत्या थांबलेल्या रोशनसिंग बबलुसिंग टाक (वय 20, रा. संजयनगर, देऊळगावराजा, जि. बुलढाणा) यास ताब्यात घेण्यात आले.
त्याची झडती घेतली असता त्याच्या पोत्यामध्ये मोठ्या प्रमाणात चांदीचे दागिने, चैन, करदोरे तसेच सोन्याचे दागिने आढळून आले. चौकशीत आरोपी रोशनसिंग टाक याने त्याच्या चार साथीदारांसह खालील ठिकाणी चोरी केल्याची कबुली दिली. अहमदपूर – अमित ज्वेलर्स व विठ्ठल ज्वेलर्स, काजळी हिप्परगा – बँक ऑफ महाराष्ट्र शाखा, अहमदपुर – एक घरफोडी, मदनसुरी – विश्वकर्मा ज्वेलर्स, परशुराम पार्क, लातूर – एक घरफोडी
आरोपीकडून 13 किलो 700 ग्रॅम चांदी व 7 ग्रॅम सोनं असा एकूण ₹24,17,900 किंमतीचा मुद्देमाल हस्तगत करण्यात आला आहे. एकूण गुन्ह्यांची उकल पोलीस ठाणे अहमदपूर येथे 3 घरफोडी पोलीस ठाणे कासारशिरशी येथे 1 चोरी, पोलीस ठाणे एमआयडीसी, लातूर येथे 1 चोरी, असे गुन्हे केल्याचे उघड झाले आहे. अटक आरोपी रोशनसिंग टाक यास पोलीस ठाणे अहमदपूर गु.र.नं. 618/2025 मध्ये पुढील तपासासाठी ताब्यात देण्यात आले आहे. इतर आरोपींचा शोध सुरू असून त्यांना लवकरच अटक करण्यात येणार आहे.
कारवाई स्थानिक गुन्हे शाखेचे पोलीस निरीक्षक सुधाकर बावकर यांच्या नेतृत्वाखाली सपोनि सदानंद भुजबळ, अमितकुमार पुणेकर, पोउपनि राजाभाऊ घाडगे, प्रमोद देशमुख, पोलीस अमलदार माधव बिलापटटे, नवनाथ हासबे, रामलिंग शिंदे, तुराब पठाण, मोहन सुरवसे, राजेश कंचे, युवराज गिरी, गणेश साठे, शैलेश सुडे, श्रीनिवास जांभळे, सुहास जाधव, धनंजय गुट्टे, प्रज्वल कलमे तसेच महिला पोलीस अंमलदार अंजली गायकवाड यांनी बजावली
Post a Comment
0 Comments