**मुख्यमंत्री व केंद्रीय मंत्र्यांच्या दौऱ्यापूर्वी ‘त्वरित सौंदर्यीकरण’? जिल्हाधिकारी कार्यालय–PVR चौक डांबरी रस्त्यावर खड्डे बुजविण्यासाठी मुरूमाचा प्रयोग; नागरिकांमध्ये संताप**

अंबादास करकरे 

लातूर शहरात 12 आणि 13 डिसेंबर रोजी मुख्यमंत्री, अनेक केंद्रीय मंत्री तसेच विविध पक्षांचे जेष्ठ नेते येणार असल्याच्या तयारीला मनपा प्रशासनाने गती दिली असली, तरी काही ठिकाणी करण्यात आलेल्या कामांच्या ‘गुणवत्ते’वरून नागरिकांनी प्रश्नचिन्ह उपस्थित केले आहे.

विशेषत: जिल्हाधिकारी कार्यालय ते PVR चौक या महत्त्वाच्या मार्गावर मोठ्या प्रमाणात पडलेल्या खड्ड्यांची दुरुस्ती मनपाने तातडीने सुरू केली. मात्र, डांबरी रस्त्यावरील खड्डे बुजवण्यासाठी माती व मुरूमाचा वापर केल्याचे स्पष्ट दिसून आले आहे. यामुळे नागरिकांमध्ये संताप व्यक्त होत असून अशी तात्पुरती आणि धोकादायक दुरुस्ती करण्यामागे नेमके कारण काय? असा सवाल सर्व स्तरांतून उपस्थित केला जात आहे.

तात्पुरत्या दुरुस्तीवरून मनपाची भूमिका प्रश्नचिन्हात नियमांनुसार डांबरी रस्त्यांवरील खड्डे कोल्डमिक्स किंवा गरम डांबराने दुरुस्त करणे अपेक्षित असते. परंतु, येणाऱ्या व्हीआयपी दौऱ्यामुळे घाईघाईत झालेल्या कामात माती/मुरूमाचा वापर केल्याने:

रस्ता काही तासांतच पुन्हा खराब होण्याची शक्यता

वाहनांना घसरण्याचा धोका, नागरिकांच्या पैशाचा अपव्यय तांत्रिक निकषांचे उल्लंघनअसे गंभीर मुद्दे पुढे येत आहेत.“व्हीआयपी येणार म्हणून रस्ते ठीक… पण नागरिकांसाठी नाही?” दीर्घकाळापासून या मार्गावर खड्ड्यांमुळे वाहतूक विस्कळीत आहे. पावसात आणि उन्हातही हा मार्ग धोकादायक अवस्थेत राहिला. मात्र, अचानक दौऱ्याच्या तयारीत मुरूम टाकून ‘दुरुस्ती’ केल्याने “जनतेच्या पैशावर गोत्तेदार मोठे करायचे का?” असा प्रश्न नागरिक विचारत आहेत.

काही नागरिकांचे प्रतिक्रीया अशा प्रकारे:

“महिनोंमहिने रस्ते खराब असतात, पण मंत्री येणार म्हटलं की लगेच काम!” 

“ही तात्पुरती लिपापोती आहे, प्रत्यक्षात काहीही टिकत नाही.”

“गुणवत्ताविहीन कामाचा खर्च कोण भरत आहे?”

वाहतूकदार आणि दुचाकीस्वार त्रस्त या मार्गावर मोठ्या प्रमाणात वाहतूक असते. मुरूमाचा थर बसल्यानंतर: दुचाकी घसरण्याच्या घटनांचा धोका

उडणाऱ्या धुळीमुळे त्रास, रात्री दृश्यमानतेत अडथळे अशा समस्या वाढल्या असल्याचं वाहनचालक सांगतात. मनपाची गुणवत्ताविहीन कामांवरून चौकशीची मागणी या कामाची निविदा, खर्च, तांत्रिक मापदंड आणि प्रत्यक्षात वापरलेले साहित्य याबाबत:

सामाजिक संघटनांकडून, नागरिकांकडून चौकशीची मागणी होत आहे. विशेषत: दौरा संपल्यानंतर पुन्हा तोच रस्ता मोडकळीस आल्यास जबाबदारी कोणाची? हा मोठा मुद्दा राहणार आहे.

निष्कर्ष:

व्हीआयपी दौऱ्यापूर्वी शहराचे सौदर्यकरण व स्वच्छता महत्त्वाची असते, परंतु तात्पुरती लिपापोती करून जनतेला फसवणे आणि निधीचा वापर गुणवत्ताविहीन कामांसाठी करणे हा गंभीर प्रश्न आहे.

नागरिक आता मनपा प्रशासनाने या कामाची पारदर्शक माहिती द्यावी आणि खऱ्या दर्जेदार रस्तादुरुस्तीची हमी द्यावी, अशी मागणी करत आहेत.