पक्षप्रमुख उद्धव ठाकरे यांच्या आदेशाने लातूर जिल्हा आढावा बैठक उत्साहात संपन्न

लातूर | अंबादास करकरे 

शिवसेना पक्षप्रमुख तथा महाराष्ट्राचे माजी मुख्यमंत्री मा. उद्धव ठाकरे यांच्या आदेशानुसार शिवसेनेची लातूर जिल्हा आढावा बैठक विरोधी पक्षनेते मा. अंबादास दानवे यांच्या प्रमुख उपस्थितीत उत्साहपूर्ण वातावरणात पार पडली. आगामी स्थानिक स्वराज्य संस्था निवडणुका, संघटनात्मक बांधणी आणि पक्षविस्ताराच्या दृष्टीने ही बैठक महत्त्वपूर्ण ठरली.

बैठकीत जिल्ह्यातील पक्ष संघटना अधिक मजबूत करण्यासाठी आवश्यक उपाययोजना, बूथ स्तरावरील नियोजन, पक्षाच्या विविध उपक्रमांचा आढावा तसेच कार्यकर्त्यांशी संवाद साधण्यात आला. शिवसेनेची भूमिका जनतेपर्यंत प्रभावीपणे पोहोचविण्यासाठी पदाधिकाऱ्यांनी अधिक जोमाने काम करण्याचे आवाहन करण्यात आले.

यावेळी विरोधी पक्षनेते अंबादास दानवे यांनी कार्यकर्त्यांना मार्गदर्शन करताना पक्षप्रमुख उद्धव ठाकरे यांच्या नेतृत्वावर विश्वास व्यक्त केला आणि आगामी काळात शिवसेना अधिक बळकट करण्यासाठी एकजुटीने काम करण्याचे आवाहन केले.

या आढावा बैठकीस लातूर जिल्ह्यातील शिवसेनेचे सर्व आजी-माजी पदाधिकारी, जिल्हा व तालुका पदाधिकारी, शाखाप्रमुख, युवासेना पदाधिकारी तसेच मोठ्या संख्येने शिवसैनिक उपस्थित होते. बैठकीत विविध संघटनात्मक विषयांवर चर्चा करून आगामी कार्यक्रमांचे नियोजन करण्यात आले.

बैठकीमुळे कार्यकर्त्यांमध्ये नवचैतन्य निर्माण झाले असून आगामी राजकीय घडामोडींच्या पार्श्वभूमीवर शिवसेना संघटना अधिक सक्षम करण्याचा निर्धार उपस्थित पदाधिकाऱ्यांनी व्यक्त केला.